ექსპლორერი:  სტატიები > ზედნადების და ა/ფ ატვირთვა შემოსავლების სამსახურის ვებ გვერდზე და ზედნდების კორექტირება

AS-Accountant 7  სისტემის საშუალებით შესაძლებელია შემოსავლების სამსახურის ვებ-გვერდზე ზედნადების და ანგარიშ-ფაქტურის ატვირთვა და ზედნადების კორექტირება ავტომატურად დამატებითი პროგრამების დახმარების გარეშე. ამისათვის საჭიროა შემდები პუნქტების შესრულება:

1. გახსენით ქვესისტემაში საწყობი დოკუმენტი გაყიდვები

მოცემული დოკუმენტი შედგება 6 გვერდისგან: ზოგადი, ჩამონათავალი, ზედნადები, მომწოდებელი, მყიდველი და გატარებები. 

2. ზოგად ნაწილში შეავსეთ საერთო მონაცემები:

ძირითადი ნაწილი საერთოა მთლიანი დოკუმენტისთვის. მისი ველებია:

გვერდზე ზოგადი იწერება შემდეგი ინფორმაცია: ვალუტა , რომელშიც სრულდება ოპერაცია, სისტემა ავტომატურად გვთავაზობთ ლარს, ვალუტის კურსი, ლარის არჩევის შემთხვევაში ეს ველი არააქტიურია, ხელშეკრულების ნომერი, ხელშეკრულების თარიღი, მყიდველის ანგარიში, აქ ჩაიწერება 1410, შემდეგ სტრიქონში კი ავანსის ანგარიში, თუ არსებობს წინასწარ გადახდილი ავანსი, დღგ-ს ანგარიში, სისტემა ავტომატურად გთავაზობთ 3330-ს. ბოლო ველში - კომენტარი იწერება დანიშნულება.

3. შემდეგი გვერდი წარმოადგენს ჩამონათვალის გვერდს. ამ გვერდზე ივსება მონაცემები უშუალოდ პროდუქციის ან მომსახურების შესახებ. ჩამონათვლის გვერდზე შეგიძლიათ ერთდროულად პროდუქციის, მომსახურების დამატება და ძირითადი საშუალების დამატება. გვერდი შედგება საერთო და ჩამონათვლის ნაწილისაგან.

საერთო ნაწილში აირჩევა დღგ-ს დაანგარიშების ტიპი.  დაანგარიშების ფორმად გათვალისწინებულია შემდეგი შემთხვევები.  1 - დღგ-ით, 2 - დღგ-ს ჩათვლით, 3 - დაუბეგრავი დღგ და 4 - ნულოვანი დღგ. ამავე ნაწილში მიეთითება ფასდაკლების პროცენტი, ასეთის არსებობის შემთხვევაში, ასევე აირჩევა საწყობი, საიდანაც მოხდება სმფ-ს რეალიზაცია.

ჩამონათვლის ნაწილში ივსება უშუალოდ პროდუქცია ან მომსახურება. იგი შეიცავს შემდეგ ველებს :

 

თანხის ქვემოთ ველში ავტომატურად ივსება ჯამური თანხა. ჩამონათალში შეიძლება ერთი და იგივე სმფ-ს ერთზე მეტჯერ ჩაწერა, ამ შემთხვევაში გამოდის შეტყობინება, ჩამონათვალში მოცემული სმფ-ს არსებობის შესახებ. ველი დღგ ჯამი  გამოითვლება ავტომატურად დღგ-ს გამოთვლის წესის გათვალისწინებით და არ ექვემდებარება რედაქტირებას. ველი საერთო თანხა ასევე გამოითვლება და ივსება ავტომატურად, შეიძლება მისი რედაქტირება.

4. გვერდზე ზედნადები შეიყვანეთ მოცემული დოკუმენტის შესახებ ინფორმაცია, რომელიც საჭიროა შემოსავლების სამსახურის ვებ-გვერდისთვის, მოცემული ფანჯრის ტიპი იცვლება იმისდა მიხედვით თუ რა სახის ზედნადების შექმნა გსურთ. პროგრამის საშუალებით შესაძლებელია შექმნათ დოკუმენტის შემდეგი ტიპები: ტრანსპორტირებით და ტრანსპორტირების გარეშე. განვიხილოთ შემთხვევა, როცა რეალიზაცია ხდება ტრანსპორტირებით. მოცემულ შემთხვევაში დოკუმენტს აქვს შემდეგი სახე:

როგორც სურათზე ხედავთ დოკუმენტი შედგება გარკვეული ველებისგან, რომელთა შევსება აუცილებელია, რადგან ზედნადების და ანგარიშ-ფაქტურის ატვირთვა მოხდეს შემოსავლების სამსახურის ვებ-გვერდზე. იგი შეიცავს შემდეგ ველებს: 

5. გვერდი მომწოდებელი ავტომატურად ივსება, აქ გამოდის ინფორმაცია, რომელიც თქვენს მიერ არის შევსებული პროგრამის პარამეტრებში. აქ შესაძლებელია ხელით ინფორმაციის შევსებაც, რედაქტირებაც.

6. გვერდში მყიდველი შეავსეთ ინფორმაცია მყიდველის შესახებ. სისტემა ავტომატურად ავსებს მონაცემებს, რომლებიც შევსებულია დირექტორიაში პარტნიორები მოცემული პატრნიორის შესახებ. მოცემულ გვერდზე შესაძლებელია ასევე ხელით ინფორმაციის შევსება.

7. გვერდზე გატარებები ხდება უშუალოდ ბუღალტრული გატარებების ჩაწერა. შესაძლებელია ბუღალტრული გატარებების ავტომატურად გენერირება   ღილაკის საშუალებით, ან შესაძლებელია ინფორმაციის ხელით შეყვანა.

8. შეინახეთ დოკუმენტი ღილაკის მეშვეობით

9. დააჭირეთ ღილაკს და გამოსული ფანჯრიდან აირჩიეთ შესაბამისი ფუნქცია.

თუ რეალიზაციის დოკუმენტში არის მომსახურების სტრიქონები, ფუნქციის ზედნადების აქტივაციის შემთხვევაში სისტემა გვეკითხება, საჭიროა თუ არა მომსახურების სტრიქონების ზედნადებში გადანატანა.

კი პასუხის შემთხვევაში მომსახურების სტრიქონები აისახება ზედნადებში საქონლის სტრიქონებთან ერთად, არა პასუხის შემთხვევაში ზედნადებში აისახება მხოლოდ საქონელი.

შემგეგ გამოდის ზედნადების აქტივაციის ფანჯარა, რომელშიც შეიყვანეთ ტრანსპორტირების დაწყების თარიღი და მონიშნეთ ალამი დასრულება, თუ გსურთ ზედნადების ავტომატურად დასრულება.

გამოსულ ავტორიზაციის ფანჯარაში შეიყვანეთ შემოსავლების სამსახურთან დასაკავშირებელი მომხმარებელი და პაროლი და დააჭირეთ OK. ზედნადები ავტომატურად აიტვირთება შემოსავლების სამსახურის ვებ-გვერდზე.

იმ შემთხვევაში როდესაც ზედნადები უკვე გააქტიურებულია შესაძლებელია მისი დახურვა ფუნქციის ზედნადების დახურვა მეშვეობით.

ფუნქციის ზედნადების კორექტირება-ს დახმარებით შესაძლებელია სისტემიდან შექმნილი ზედნადების რედაქტირება. ამისთვის საჭიროა შემდეგი ნაბიჯების შესრულება:

1. გადაიყვანეთ დოკუმენტი მონახაზ მდგომარეობაში ღილაკის მეშვეობით.

2. მოახდინეთ დოკუმენტში სასურველი ინფორმაციის რედაქტირება, რის შემდეგ დააჭირეთ შენახვის ღილაკს.

3. დააჭირეთ ღილაკს და აირჩიეთ ბრძანება ზედნადების კორექტირება.

ფუნქციის ანგარიშ-ფაქტურის შექმნა-ს დახმარებით შესაძლებელია სისტემის დახმარებით ავტომატურად მოცემული დოკუმენტის შესახებ შეიქმნას ანგარიშ-ფაქტურა.

ღილაკზე ხელის დაჭერით გამოდის ფანჯარა, რომელშიც ჩართეთ ალამი, თუ გსურთ ანგარიშ-ფაქტურა ავტომატურად გადაუგზავნოთ მყიდველს.

ასევე შეგიძლიათ ანგარიშ-ფაქტურა გადააგზავნოთ ცალკე ფუნქციის - ანგარიშ-ფაქტურის გადაგზავნა - მეშვეობით.